| 昨天原本諗住好好溫書 點知溫得好慢好hea
浪費左好多好多時間 真係好懶=.=
過左星期五之後 琴日個天多左好多好多雲
個天由天藍色變左灰藍 真夠灰 由於琴日 溫書溫得太少 迫於無奈今日唔返教會溫書
覺得自己好曳添 原本想八點鐘起身溫書
點知又訓過龍 訓到九點半起身-,-
十點幾落M記買早餐 途中
遇見幾位 行裝少少準備漫無目的地浪跡天崖ge浪子 XD
買完早餐返屋企食 hea 左一陣就溫書
但都係溫得好慢 跟住去左學琴
阿Sir 有表演 著晒西裝 少見@.@
跟住返屋企又溫書 但睇返舊年phy 份UT
唔可以話好深 搞到我宜定又無咩心機溫書 唉=.=
返埋聽日又放一日假lu!!XD |
| |
| UT 話甘快就考左一日 已經考左2/5 la
四日UT 靜係有三日要返學 真係開心^.^
中七UT 返八點半 唔洗早會好正
比平時可以訓多一陣 出門果陣覺得好怪
因為條街差唔多無晒學生 得返d 遲到
同埋逃學係到遊街ge 學生
如果日日都可以遲d返學就好lo 今日考中化同CA 中化考作文
作文我不嬲都唔係好掂 所以考完都無咩感覺
靜係覺得自己寫得夠數就算lo
跟住就考CA 今次考SQL instruction 都OK
overall 黎講 OK la 希望份卷有四字頭^.^ 考完試同班友仔去食飯
可以慢慢食飯真係好
不過食完飯返到屋企 換衫之後
又要出MK 補習 十分衝忙
返到屋企 有成十吋長ge 賴尿蝦食
真係好開心 今日真係好滿足 聽日留係屋企溫書同埋諗下UT 後大計 XD |
| |
| UT 前夕 唔知大家係唔係真係太勤力溫書
今日全班人都處於昏睡狀態 大部份人ge 腦袋都好似hand 左機
坐我後面ge 肥羅直情處於shut down 狀態
我隔離位大小姐仍然病重 之之今日有返學
但都好似病到死死下甘 各位真係要保重身體ar!! 今日先黎上中化 班上個個人都極呆
俾Ms Do 帶有不gur ge 語氣 轟炸左兩堂
跟住空堂又係好眼訓 之後chem 堂
竟然連Ms Chan 自己都話上堂上到悶
就黎訓著 跟住唔上堂 叫我地做舊年UT 份卷
lunch 個個都好似好攰甘 大部份人都處於休息狀態
下晝果兩堂 唔知班人係唔係真係太攰 所以想今日教完D3 都唔得
大家似乎俾個UT 消磨左好多精神同體力 放學果陣 之之話佢今晚唔去補習 我又唔係好想補=.=
叫颺仔陪我去現代改時間 宜家轉堂費靜係十蚊雞@.@
以前唔係收廿蚊ge 咩 點解會平左ge??@.@ 今日得知班中有人睇BL 實在嚇親我...........
睇果個人ge 行為 完全唔似d 會睇BL ge 人>.<
今日又聽鄺B講 有初中男仔對d 女仔
講一d 疑似"性"問題ge 說話 雖然無從考證
但聽落都覺得恐佈 跟住又聽颺仔講有個中四男仔
作出一d 好博打 ge 舉動 真係覺得心寒
點解宣基愈黎愈多怪人ge 真係好驚 |
| |
| 今日返到學校 之之失左蹤 估唔到突然唔返學
而我隔離位ge 大小姐今日病得比琴日嚴重
係甘咳咳咳.. 跟住我後面果個肥羅都有咳
真係周圍都有病人 大家要小心身體ar
今早天色很藍 係課室望出窗 真係一d 雲都無
個天藍到好似加左Polarizer 甘藍 真係少見
其實 唔知點解雖然冬天空氣質素比較差
但偏偏有最多機會見到藍天 如果我今日上晝係屋企
我一定拎部單反影下個天
唔洗用polarizer 都可以有甘深ge 藍色 真係十分少見ar 我發覺Ms Do time management 都真係幾差
佢話用一堂講作文跟住之後兩堂講三字經
點知佢靜係講作文都講左兩堂
跟住三字經講得一堂 不過今日Ms Do 都搞好多gag
叫做輕輕鬆鬆甘過左三堂
跟住又三堂phy 唔知係唔係UT關係 今日唔洗做TAS
好hea 甘講完D1 Gas 跟住上網睇下片
跟住就跳去講D3 Fluid 真係好快ar!! 但我地都係hea教
Mr Ho 又係到吹水 跟住重要真係玩水
佢諗住用水喉射大口水 點知d 水飛得唔夠遠 我份notes 有一頁濕左-,-
我都係坐第二張枱la Mr Ho 真係好有潛質做恐佈分子-,-
我見今年班中六Phy 真係教得好快 好似快得好誇張
但我又諗 可能Mr Ho 相對同佢地吹少d 水掛
如果我地班吹少d 水 要教得好似佢地甘快都應該無問題
但吹水的確係我地班既有ge 習慣XD
當然攝鏡同搞gag 都係laXD
下晝原本係PE 堂 點知廖B 去左帶比賽 兩堂空堂@.@
悶死我 因為我無帶野返學校溫=.=
跟住鄺B 同我分享左佢好多去印度短宣果陣ge 第一次
真係聽完都覺得核突 好佩服佢夠膽去印度~.~ 放學之後打電話俾之之 原來之之學我甘樣偷懶
放自己一日假 唔係大病 但佢想休息下
不過好在佢無返學 計埋PE 果兩堂空堂
佢足足有五堂空堂 真係唔返學好過返
近日有樣野好impressive 我 就係見到颺仔宜家好勤力
真係令我另眼相看 係我認識ge颺仔中
我一直都覺得佢係一隻懶颺颺
近日見到佢甘鬼勤力 甚至比我重勤力 真係好怪
我重諗佢究竟係唔係食錯藥 但見到佢甘勤力
都令我覺得自己要更加勤力ar 上網見到一個對話 覺得十分精警
話說有個記者問Sammi 見到甘多朋友結婚 佢有冇想結婚ge 諗法
Sammi話"沒有。上帝給我的生活形態一定是最適合我的。
上帝安排我的生命是單身，我就單身；祂安排我結婚，
我就會結婚。況且，結婚從來沒有年紀限制。"
一個滿有信心ge 回答 估唔到基督短短兩年內可以令Sammi 有甘大ge 轉變
亦好好提醒我 要靜心ge 等候上帝為我安排伴侶
見到教會迎期結婚ge 新人由中學拍拖拍左十二年結婚@.@
真係覺得其實係馬拉松式戀愛真係有可能 特別好似易d 係教會發生
教會下年又有一對新人拍拖十二年結婚 真係恭喜
keke 唔知幾時到我呢? |
| |
| 琴日天文台話好凍 唔知點解對於我黎講好似感覺不大=.=
琴晚的確係凍d 開窗訓覺都訓到ge 夜晚十一點幾就訓
但唔知點解唔洗襟被都訓得著=.= 訓到三點幾果陣
身理時鐘錯唔誤地將果陣ge 天色判別為六點 於是醒左=.=
睇下個鐘三點幾-,- 跟住發現無襟被 於是襟返被再訓過-,-"
今朝起身 個鼻腔極乾 可想而知濕度有幾低
而且真係覺得凍凍地 今早都真係要著冷衫出門 返到學校 行左六層之後熱死 見到明禧同大口都唔著冷衫
佢地真係好勇=.= 而我隔離位個大小姐終於病左 啞埋
令到我個位今日好似靜左=.=" 今日上堂又hea 過
中化Ms Do 不斷講講講 甘就過左兩堂
跟住UE 就到我地講講講 係到練Oral 其實係吹水
宣愛天地悶到....... 唔知講咩好 食完飯
班人竟然係到傾宮心計ge 劇情=.= 話就話唔出去食飯溫書
但事實又有幾多個人做到呢=.= 下晝果兩堂phy 真的攞命
眼訓到不得了 我用個水樽頂住個下巴死撐
都叫做俾足面Mr Ho 明禧話佢直情趴左係到訓左=.=
點解宜家d 堂可以甘hea ga=.=?? UT 殺到la 就黎死人!!~.~ |
| |
